شدد الرئيس عبدالفتاح السيسي ، على أهمية تأمين البيانات والمعلومات، خلال كلمته في افتتاح مركز الإصدارات الذكية والمؤمنة في العاصمة الإدارية الجديدة.
وقال، «البيانات يا جماعة والمعلومات كنز، هي كنز وهقول تعبير صعب، و عورة ، مينفعش كارت الطالب تبقى كل معلوماته متاحة للكل».
وأضاف الرئيس السيسي، أنّه يجب إطلاع كل طالب على الجزء الخاص به من المعلومات: «يعني أنا لو رايح التأمين الصحي الشامل، ومعايا البطاقة الخاصة بيا».
تابع،و« أدخل على المستشفى اللي أنا هاخد منها الخدمة، هما يقدروا يشوفوا التاريخ الطبي بتاعي، بس ميشوفوش باقي حاجاتي، مينفعش يشوف أي حاجة تانية».
مشروع مستقبل مصر
كما أكد على أن مشروع «مستقبل مصر» الذي يتضمن 15 محطة مياه تعمل بطرق وأساليب جديدة، متسائلًا «اللي إحنا فيها هتستمر بإيه؟».
كما استكمل،« أرجع للمشروع وأقول هتستمر إزاي ..المشروع اللي إحنا كنا بنتكلم عليه وفيه مشاريع زيه بتتعمل».
كما أوضح،« وكان الهدف منها إن أحنا نستفيد استفادة حقيقية أكتر من مرة واتنين من المية اللي موجودة وعشان كده بنقول المية اللي موجودة دي المحطة بتتعمل هناك عشان تاخد مية صرف زراعي وصرف صحي، وكانت بيتم التخلص منها ولكن دلوقتي هيتم معالجتها وهتستخدم في الزراعة».
وأضاف السيسي، «أنا بشوف لما بلاقي تغطية لمشروع بيتعمل فبلاقي الناس بتتكلم ومشاورش على أحد الحاجات المهمة اللي بنتكلم فيها، وبقول إن المية دي كانت بتستخدم مرة أو مرتين وبعد كده خلاص متستخدمش تاني وإحنا قولنا لا هنخلي كل فرصة موجودة عندنا في تعظيم الاستفادة من المية هنعمل لها المشاريع الخاصة بيها مهما كان تكلفتها».
محطة الحمام
وتحدث السيسي عن مشروع محطة الحمام، قائلا «هقول لكم على رقم خاص بالمية بس في الحتة دي اللي هي المحطة محطة الحمام، أنا بتكلم على دي بس إحنا هنعمل 15 محطة رفع مية عشان ناخد المية من منسوب منخفض إلى منسوب مرتفع في محطة الحمام».
كما استكمل،« لأن المية كانت من أسوان لغاية الدلتا دي مية بتمشي بالانحدار الطبيعي للأرض وإحنا مبندفعش حاجة جاية من العالي -أنا آسف- للمنخفض وبالتالي مش محتاجين أكتر من إحنا البنية الأساسية كانت ترع موجودة كانت بتساعد على كده».
السيسي يفتتح مجمع الإصدارات الذكية
وتساءل، «طب لو أنا النهاردة حبيت أعمل المحطة دي في نهاية الاستخدام هودي المية فين ..هرميها البحر ولا أعملها واستفيد منها في أماكن تانية في مكانين إحنا عملنا فيهم كده واحدة في المحسمة في سيناء دي مليون متر، والمحطة التانية المفروض إنها خلال يوليو هنفتتحها ودي 5.6 مليون متر مية صرف زراعي وصناعي وصحي».
وافتتح الرئيس عبدالفتاح السيسي، اليوم، مجمع الإصدارات المؤمنة والذكية، والذي يعد صرحًا تكنولوجيا عملاقًا فائق القدرات الفنية المتدورة في مجال تصنيع وإصدار الوثائق الثبوتية المؤمنة، كما يمثل مجمع الإصدارات المؤمنة والذكية، قيمة مضافة كبيرة لدعم استراتيجية الدولة للتحول الرقمي والميكنة.
