تامر حسني يرد على كريم الحسيني: “تحت أمرك ويشرفني نقعد”
كتبت داليا اشرف
كشف الفنان كريم الحسيني، عن أنه أراد الوصول إلى النجم تامر حسني لمدة لا تقل عن 7 سنوات بسبب عرض بعض السيناريوهات التي كتبها بنفسه عليه.
وقال الحسيني في تصريح خاص لموقع “الرأي”، إنه يرى الفنان تامر حسني، من أقرب النجوم الذين يجسدون تلك الشخصيات التي سردها في خياله ودونها في السيناريوهات.
ونشر الفنان كريم الحسيني، عبر حسابه على السوشيال ميديا “فيس بوك”، منشور موجه للنجم تامر حسني، قائلًا: “ممكن البوست ده يوصل للفنان تامر حسني”.
وتابع: “يا كل القائمين على الصناعة من 2015 نفسي أوصل للفنان تامر حسني ومش عارف وكل اصحابنا المقربين لما بطلب منهم بيقولولي مبررات غير منطقية .. ما علينا ممكن حد يوصلني بالفنان تامر حسني عشان عندي أكتر من فكرة مكتوبة له حتى لو كان ماضي 7 أفلام أنا هستنى دوري ..ممكن”.
ورد حسني على منشورة قائلاً: “يا أستاذ كريم محدش قالي ولا عرفت إنك عايزني غير من البوست ده، أنا تحت أمرك ويشرفني نقعد واسمع منك إن شاء الله لما أرجع من السفر ويارب كل الخير ليك في حياتك”.
كما نشر كريم منشور آخر قال فيه: “المحترم الخلوق هايفضل طول عمره محترم وأصيل .. عارف إنك ماتعرفش إني بقالي سنين عايز أوصلك .. لأنك عمرك ما بتتأخر على حد .. ترجع بالسلامة بإذن الله ومتشكر على ردك وإصرارك رغم انشغالك .. دانا أمي بتزغرد و ولادي مش مصدقين أنا منشكح والناس كلها مبسوطة وعمالين يبخروني عشان الحسد”.
