فرح عز الدين : تعاهدنا علي التتويج باللقب رغم التحديات التي واجهها الفريق
فرح عز الدين : تعاهدنا علي التتويج باللقب رغم التحديات التي واجهها الفريق
حوار : أحمد حنورة
فرح عز الدين لاعبة النادي الأهلي لكرة الطائرة في حوار خاص عقب الفوز بلقبي القاهرة والجمهورية .
ما هو شعورك بعد الفوز والتتويج بلقبي القاهرة والجمهورية ؟
فرحانة جدا بالفوز وتتويج الفريق بالبطولة بالعلامة الكاملة فى بطولتى القاهرة والجمهورية بعد موسم طويل كلنا تعبنا فيه جدا والحمد لله ان ربنا كلل مجهود الفرقة بالفوز .
ما هي أصعب مباراة في مشوار التتويج باللقب ؟
المباريات كلها كانت مهمة لان النتايج بتتحسب فى كل دور وكل مباراة لها اهميتها وصعوبتها مفيش مباراة صعبة الحمد لله بس كل المباريات مهمة اكيد .
كيف رأيت المنافسة في البطولتين هذا الموسم ؟
المنافسة كانت قوية جدا السنة دى وقابلنا فرق كتير مميزة وكان فيها منافسة قوية جوة الملعب بس الحمد لله نجحنا اننا نكسب كل مبارياتنا .
ما هو المميز فى النادي الأهلي على مستوي الالعاب الاخري “الصالات” عن الاندية المنافسة؟
النادى الاهلى دايما بيلعب على البطولة وبس ومش بيبص غير على المركز الاول والمميز اننا متربيين من واحنا صغييرين جوة النادى على انك لازم تدافع عن تيشرت الاهلى لان مش اى حد يقدر يلبس تيشرت الاهلى .
ما هو دور مجلس الادارة مع الفريق خلال الفترة الماضية ؟
في ضهرنا دائما وبيدعمونا .
ما هي الدوافع الجديدة للفريق بعد الفوز باللقب؟
الموسم الحمد لله خلص بالتتويج ودوافعنا الجديدة اننا نحافظ على اللقب الموسم الجاى ان شاء الله .
ما هي رسالتك لفريدة ؟
هترجعى اقوى من الاول وكلنا مستنينك وكلنا اتعاهدنا اننا نجيبلك البطولة لحد عندك وانك سبب كبير فى تتويج اليوم .
