إسراء البواردي
صرحت الفنانة مروة عبد المنعم خلال لقائها مع الإعلامى عمرو الليثى بيرنامجه واحد من الناس على شاشة الحياة، عمرى ما رفعت التليفون طلبت إنى أشتغل، وكنت بشتغل كويس وفجاة كل الدنيا وقفت مرة واحدة ومحدش بيبعت لى أدوار خالص الآن، وعملت مشروع المسرح بتاعى ومحدش من زملائى فى الوسط اتصل عليا يبارك لى، والشلالية هى من تحكم الوسط الفنى للأسف.
وعن دورها فى مسلسل يوميات زوجة مفروسة، قالت مروة عبد المنعم إن النظارات التى استخدمتها فى المسلسل، كانت بسبب أنها لما بتعمل شخصية ترسم ليها كارتون للشخصية، وكان نظارة الكات أى طالعه موضة وقتها وكانت داليا البحيرى أيضًا لابسه نفس النظارة ورفضت إنى ألبسها علشان ما نبقاش إحنا الاثنين لابسينها فى نفس المشهد، وعلشان تصالحنى قالت لى هجيبلك شويه نظارات تانية واختارى منها، وكانت كل موسم البس واحدة جديدة.
وعن زواجها من مصطفى قمر قالت إنها شائعة وأيضًا كانت هناك شائعة بزواجى من الفنان أحمد عزمي، والحقيقة إني لم أتزوج غير مرة واحدة من بابا الأولاد وانفصلنا.
وقالت الفنانة مروة عبد المنعم عن دورها بمسلسل أم كلثوم وكانت تجسد شخصية أخت الشاعر أحمد رامي في المسلسل، إنها كانت مشاركتها عبر مسابقة للوجوة الجديدة بماسبيرو وكانت الاستمارة بـ ١٠٠ جنيه وأختى اديتنى الفلوس وقابلت الأستاذة إنعام محمد على وعجبتها جدًا، و اختارتني للدور وكانت بدايتى وفتحة خير عليا.
وعن حقيقة نسيان ابنها فى المطار قالت مروة عبد المنعم كان زوج أختى بالمطار من فرنسا واحنا ٦ إخوات بحوزتنا وأولادنا رايحين نستقبله وكنا ٢٦ فرد تقريبًا، والطيارة اتأجلت وخلاص مروحين وابنى دخل الحمام ونسيته وماشين وانا فى الجراج افتكرته وجريت عليه وأول ما شافنى انهار، وأنا عندي مشكلة انى بنسى جدًا، ومرة نسيت الجانينى فى البيت وقفلت عليه فى البيت وخرجت، واتصل بيا يا مدام انتى قفلتى عليا البيت ومشيتى.
وقامت مروة عبد المنعم بعمل مشهد تيك توك وابنتها حور على مسرحية ريا وسكنية على الهواء.
