حوار : أحمد حنورة
لاعبة بدأ حبها لكرة السلة منذ الصغر، إنها مي عشماوي التي بدأت لعب كرة السلة بنادي مصر التأمين، ومنه إلي دجلة ثم المعادي، إلي أن استقرت الموسم الماضي في نادي جزيرة الورد بالمنصورة، وإليكم نص الحوار:
مي عشماوي لاعبة السلة تروي لـ« الرأي » كواليس بدايتها
متي بدأتي لعب كرة سلة؟
وأنا عندي 13 عاما.
في أي نادي بدأتي لعب كرة سلة؟
بدأت اللعب في نادي مصر التأمين.
ما هي مدة استمرارك معهم في اللعب؟
ما بين ٥ أو ٦ سنوات.
ماذا حدث بعد ذلك؟
توقفت سنة، أول سنة فيرست تيم.
لماذا توقفتي عاما عن ممارسة كرة السلة؟
حسيت ان دا كفايا وكانت أول سنة جامعة فنون تطبيقية تصميم داخلي و أثاث فكنت خايفة معرفش اظبطها، خصوصا أنها كلية صعبة وبتاخد وقت كتير، بعدين حسيت أني عايزة أرجع العب تاني حتى لو هضغط على نفسي وهتيجي على حساب حجات تانية، وبالصدفة بنت اعرفها قالتلي على أني أجي وادي دجلة وأجرب عندهم، ورجعت على دجلة فعلا، ولعبت معاهم سيزون كانوا في ممتاز ب، وصلنا لدورة الصعود بس محصلش نصيب.
مي عشماوي : لاعبي المفضل هو ستيفن كاري
وأضافت مي عشماوي: «كابتن المعادي شافني لما كنت في دجلة وكلمني العب معاهم السيزون الجديد، ساعتها السيزون دا صعدوا «أ»، بعدين كانت في واحدة اعرفها كانت بتلعب في جزيرة الورد قالتلي تعالي جربي السيزون دا عندنا، رحت فعلا لقيت كابتن أحمد أبو العنين الله يرحموا واللعيبة عارفني من وقت ما كنت بلعب في دجلة و فعلا مضيت معاهم السيزون دا
الموضوع طبعا كان صعب لاني من القاهرة و جزيرة الورد في المنصورة بس هيا بنسبالي خبرة من كل النواحي كمان ودعم البنات ليا و كابتن أحمد طبعا الله يرحموا من أحسن الناس اللي قبلتها في حياتي مهنيا و شخصيا، ولعبت السيزون دا في جزيرة الورد و الحمدلله عملنا سيزون كويس و جبنا تاسع».
ما هي هواياتك؟
بحب الرياضة جدا، هيا بنسبالي أكتر حاجة بحب اعملها في يومي مش بعرف اقعد كدة كام يوم من غير ما اعمل أي نوع من أنواع الرياضة، حتى في وقت كورونا والحظر كنت بنزل أجري في الشارع لوحدي، أنا بلعب fitness w crossfit، ودخلت مسابقات crossfit وجبت مركز تاني في البطولتين اللي دخلتهم.
من هو لاعبك المفضل؟
قالت مي عشماوي لاعبي المفضل، Stephen curry.
ما هي طموحك في المستقبل؟
إن شاء الله مهندسة ديكور، وباذن الله هيكون ليا مستقبل في الرياضة.
ما هي مواصفات فتي أحلامك؟
رياضي، ويكون طويل على الأقل أطول مني.
أقرا أيضا
حكاية “100” مباراة لمنتخب مصر في أمم أفريقيا
