أسماء حسني
قررت شركه ميديا هاب المنتجة لمسلسل لام شمسيه للفنانة منى زكي تأليف مريم نعوم وإخراج كريم الشناوي تأجيل المسلسل لرمضان 2023.
ووضحت ان سبب تأجيل التصوير يعود لأكثر من مرة بسبب تعرض عدد من افراد المسلسل الاصابه بفيروس كورونا المستجد
واكدت الشركه المنتجه أنها فضلت تأجيل التصوير لمايو المقبل لخصوصيه هذا العمل في اهميه الموضوع الذي يطرحه.
وقيمة النجوم والفنانين المشاركين فيه امام وخلف الكاميرا وحرصاً من الشركه على ألا تتاثر جودة العمل بسبب تاخير بدايه التصوير لاكثر من مره
وبخصوص هذا الموضوع نشر المخرج كريم الشناوي منشور على حسابها الشخصي فيسبوك وقال.
“بعد خبر تأجيل المسلسل امبارح، جالي تليفونات و رسائل كتير لاصدقاء بيطمنوا و بيدعموا القرار”.
” انا بس حابب اوضح اني مبسوط بالقرار و ممتن لكل الشركاء في العمل اللي حطوا مصلحة المشروع”.
“قبل مصلحتهم من اول المنتج و شركة الانتاج و الاساتذة الممثلين و الاساتذة رؤساء الاقسام”.
” وكل الشركاء في العمل اللي بذلوا مجهود كبير في الفترة اللي فاتت و لسة عندهم الحماس لبذل مجهود اكبر لما نستكمل العمل”.
اضاف” احنا عمرنا ما بنضمن النتيجة لكن دورنا نوفر افضل ظروف ممكنة للشغل و الحقيقة دي القناعة اللي عند كل فريق العمل و دي حاجة تفرح جدا”.
“حابب كمان اشكر فريق الإخراج اللي انا حقيقي محظوظ اني بشتغل معاهم و اللي كانوا شريك اساسي في كل نجاح حققنا قبل كده و امبارح”.
” كنت ممتن جدا انهم حولوا قرار صعب زي ده لقرار سهل و مفهوم و منطقي حتى لو بيلخبط حساباتهم الشخصية، و دي حاجة بتؤكد فخري و اعتزازي بفريق الإخراج اللي بشتغل وسطهم”.
وختم كلامه “حاجة أخيرة و شخصية، امبارح كانت الذكري السنوية الاولي لوفاة عمتى مها الشناوي”.
” و قعدت افتكر كل الكلام اللي كانت بتحكيهولي عن الصناعة و ازاي هنفضل طول الوقت قدام خيارات صعبة “.
” و لازم نقدر عليها و في نفس الوقت نحافظ على شغفنا للشغل اللي بنعمله. فكنت مبسوط انها حاضرة و مؤثرة في يوم زي امبارح”.
