صابرين: فاتتني فرص كثيرة بسبب الحجاب.. وأتمنى التمثيل أمام عادل إمام بدون مقابل
كتبت : إسراء البواردي
قالت الفنانة صابرين، إنه وقت ترشيحها لمسلسل أم كلثوم لم يكن هناك سوشيال ميديا ولكن كان هناك حرب دائرة في الصحافة عن ذلك العمل.
وأضافت خلال حوارها ببرنامج “حبر سري”، مع الإعلامية اسما ابراهيم، المذاع على قناتي سي بي سي والقاهرة والناس: “الصحافة كانت في حرب عشان تساؤلات حول الدور وخناقة في الصحافة وأول ما قالوا صابرين ماحدش نطق”.
واستكملت حديثها قائلة: “محدش نطق أول لما تم ترشيحي لدور أم كلثوم كأنهم هيقولوا خلاص العمل راح في داهية ومتعبوش نفسهم وحسيت بصمت رهيب ويحيى العلمي وممدوح طلبوني امضي على الدور وأول من اعتذروا لي بعد العرض على قوة أدائي”.
وتحدثت الفنانة صابرين عن أصعب قرار اتخذته فى حياتها وهو ارتداء وخلع الحجاب، قائلة: “أصعب قرار إنى اتحجبت والأصعب أني خلعت الحجاب ومكنش المفروض اعمل كده من البداية غير فى التوقيت الصح وقبل خلع الحجاب بأيام كنت حاسه إني بعمل حاجات مش مصدقاها”.
وتابعت: “لما أخذت القرار الحجاب حسيت أنى مش راضية على نفسى وكنت ماسكه العصاية من النص والنفس اللوامة تعاتب طول الوقت غلط وصح وفى النهاية لا يكلف الله نفسا إلا وسعها ومقدرتش أكمل وحسيت يا كده يا كده ولما يجي وقتها ربنا كريم وديننا دين معاملة وفاتني فرص كتير بسبب الحجاب لكن كنت مبسوطة”.
وردت على موقفها من امكانية ارتداء الحجاب مرة أخرى قائلة: “التفكير فى الحجاب تانى احنا هنحط الحجاب لما نموت ومن غير ما افكر فيه هيتلبس”.
وردًا على سؤال النجم الذي توافق عليه بدون تردد ولو مشهد واحد وبدون مقابل ولا جنيه؟ قالت: الفنان “عادل إمام ومن غير اختيارات وهيمثل تاني وممكن جدًا لو حب دور ولقى شغل مناسب له أكيد هينزل يعمله”.
