الكرم الشديد مريم فخر الدين تتحدث عن أخلاق فريد الأطرش

سارة طبل

تنظر إليهما تشعر أنهما إخوة من شدة إنسجماهما بسبب الصداقة القوية التي بين الفنان فريد الأطرش والفنانة مريم فخر الدين.

وقد تميز الموسيقار الكبير فريد الأطرش بإقامة العزومات والحفلات الدائمة وعرف عنه الكرم الشديد، فتقول عنه الفنانة الكبيرة مريم فخر الدين.

قائله (كان لازم يعزمنا علطول حتى لو مش معاه تمن العزومة ، ممكن يعزمنا على أي حاجه المهم لازم يعزمنا) .

وأضافت (ده في الأيام اللي كان فريد لسه على قد حاله ولما بقى غني كان الكرم أكبر بكثير).

وأستطرد مريم موقفاً مع فريد الأطرش قائله (مرة عملت عزومة في شقتي وكان فريد من ضمن المعازيم وأنتظرته كتير ، كل شوية أطل من البلكونة ، منتظرة قدومه ، وفعلا جاء فريد ومعه بعض من أصدقائه) .

وتابعت (وكنت منتظراه عند باب الشقة ولم يأتي ، قلقت عليه ، نزلت لقيته قاعد مع البواب والناس وهو عمال يغني بقاله أكتر من نص ساعة والناس مبسوطين جدا من تواضع وفن فريد).

وأضافت (لما أنتهى قلتله أنت كل ده قاعد مع البوابين وسايبني منتظراك ، قالي بصراحة عم عثمان البواب أول ماشفني قعد يمدح ويمجد فيا وقاللي أنا نفسي أحضرلك حفلة ، بس ظروفي متسمحش).

وأستكملت (فقولت له أنا هعملك حفلة مخصوص وقعدت أغني ، ودي من أجمل لحظات عمري يا مريم ، البواب من جمهوري زي أبن الباشا وأبن والوزير) .

وتقول مريم فخر الدين عن الأطرش (أكرم إنسان شفته في حياتي، مابيعرفش ياكل لوحده، كل ماحد يكلمه يقوله تعالى كل معايا).

وأضافت (قليل لما نلاقي إنسان كريم بمعنى الكلمة زي الأطرش).

وروت مريم فخر الدين ذكرى أخرى بينها وبين فريد الأطرش، قالت (هو كان قصير ، فكان كل ما يشوفني جاية لابسة جزمة من غير كعب كان يديني جنيه).

وقالت مريم فخر الدين عن رأيها عن تمثيل فريد الأطرش (أنا مش هتكلم عن تمثيله العالم كله هو اللي يتكلم، ومش هقدر أضيف حاجة على فنه، بس أحلى حاجة فيه أنه بيمثل شخصية نفسه).