حمو بيكا وعمر كمال.. محطة جديدة من الحرب على” السوشيال ميديا”

محطات حرب كلامية كثيرة، خاضها الثنائي” حمو بيكا وعمر كمال”، مطربا المهرجانات، حيث اعتادا على استخدام” السوشيال ميديا”.

يأتي خلال محطات حربهما، الأمر الذي جعلهما يثيران الجدل.

آخر هذه المحطات مساء أمس، حينما هاجم مغني المهرجانات، حمو بيكا، عبر صفحته الرسمية بموقع التواصل الاجتماعي، “فسبوك”، عمر كمال.

حيث نشر بيكا صورة كمال وعليها علامة “X”.

هجوم حمو بيكا

وقال بيكا فى منشوره: “ياريت محدش يكلمني في شغل على الشخصية دي عشان أنا كنت بحبها والشخصية دي بتتهرب من شغلي اللي خلاني اتفق عليه”.

وكما تابع،” الإثبات بعد الصورة دي هنزل فيديو، وهو عامل بيحبني وهو بيكرهني، مع السلامة يا صحاب مزيفة”.

فيما رد المطرب عمر كمال على هجوم”بيكا”،”انا فوجئت إن حمو بيكا منزل صورتي كأني واحد إسرائيلي أو واحد عدو وكاتب الكلام اللي انتوا شوفتوه ده كله”.

وأضاف كمال ، في بث مباشر على صفحته على موقع التواصل الاجتماعي “فيسبوك”: “بص يا حمو أنا محترم وصبرت كتير على إهانات الناس”.

و”قلة أدب الناس وأنت طالع تقول على عمر كمال وحسن العجوز قصيرين، أنا ممكن اطلع أقول عليك بكرش”.

“ولكن ده كلام قلة أدب ماليش فيه بس قلة الأدب وقلة الذوق اللي بتستخدمها دي أنا ماليش فيها ومش منطقي ولا مبدأي”.

رد عمر كمال

أضاف، “أول تراك انتي معلمة أخدته من حمو بيكا وشمس المجرة إنتاجي وإلحاني أنا سايبهولك على قناتك وفلوس وبنتخان ومساء النقص وفايقة ورايقة”.

وتابع عمر كمال،”كل التراكات سايبهالك على قناتك وأنت بتاخد فلوسها وبتكسب بيها”.

استكمل،”أنه سيغلق التراكات التي شارك فيها على قناة حمو بيكا على موقع يوتيوب، وكان بايت عندي في البيت”.

قال،” البيت اللي كلنا فيه عيش وملح ورايحين مشوار، وقولت له تعالى نروح عند الحلاق”.

واستكمل،” قولت له نروح مشوار ولقيته جايب واحد بيتفق معاه على شغل سنتر بتاع فساتين” .

تساءل “أنا مالي أعمل مهرجان لبوتيك ليه ولفستان فرح ليه وأنا عايز اشيل نفسي من الأسماء.

ولفت أنه يتصل بحمو بيكا ويسأله عن أجره قبل الاتفاق على مشاركته في الحفلات.

وتابع: “أنا بتصل بيك أقدرك وأقولك هتاخد كام، فلوسك مش مناسباني ومش عايزها وشايف الأجر ده قليل عليا بتتفق لي ليه”،.

كما أن حمو بيكا حصل على تراك من ساسو بدون استئذانه، طول عمري بديك تراكاتي.

مشكلة في النقالة

وأشار إلى  أنه يتحدث في مشكلته داخل النقابة دائمًا: “عمر كمال اللي بيتكلم لك في مشكلتك في النقابة”.

أوضح، “وأنا يا حمو في عز ما كانت بنت الجيران فاشخة الدنيا جت لك حد عندك في عز ما كان صحابك يهربوا منك”.

تابع،” “وكنت بتوقف من النقابة وبقف جنبك”.

وتسائل عمر، “فين فلوسي فين فلوس فستان الفرح وفين فلوس المهرجان” مضيفًا: “الشغل له أصول هو أنا اقدر أوديك فرح بدون عربون”.

كما أوضح”أنت دخلت بيتي ونمت في بيتي وأكلت في بيتي عيش وملح وعيب تكتب كده قدام الناس”.

كما تابع “مدير أعمالي كان بيتفق لك على النمر في فرحك ونزلت لك مدير أعمالي”.

وأضاف،” أنا كنت في تونس وكان الباسبور ضايع ونزلته لك”.

ضامن بيكا في الحصول على سيارة

أردف، “أنا عمري ما كنت بتاع مصلحتي ولا دورت على فلوس، وعمري ما بصيت لكم على تراكات وطول عمري بسيبها لكم “.

وقال عمر،”يا بيكا عيب يا بيكا وعيب تقول أني صحبة مزيفة أنا عمري ما كسبت وراك أبيض ولا أسود”.

وأضاف،” أنا سيبت لك 12 تراك على القناة كلت من وراها الشهد”.

كما أوضح، “العربية الرانج روفر اللي تمنتها 1850000 جنيه طلعت لك من المعرض، وانا ضمنتك”.

وأنا ضمنتها وأنا قولت أضمنه” مشيرًا أنه لم يرد على الإهانات الموجهة له: “فينا لسان نتكلم ونعمل الكلام ده كله”.

سيبت لك التراكات

وتابع: “الشغل له أصوله وأنا لو بجمع في فلوس كنت سيبت لك التراكات دي كلها على قنواتك وأنا أكتر واحد بيتكلم عنك كويس في النقابة”.

كما استكمل،”أنا بغني معاك ومش عايز أحسسك أنك لوحدك ومنبوذ وأنك مش فنان“.

وتابع: “عيب تكتب عليا كده وأكلنا مع بعض عيش وملح وبلاش تعمل كده مع ناس بيحبوك والشغل اللي قال عليه”.

كما استكمل،”انا لا أخدت منه أبيض ولا أسود ولا عرابين والمفروض تاخد رأيي مش تحطني على أرض الواقع”.

واختتم: “لو أنت سايب لي تراك أنا سايب لك 15 تراك على قناتك وعمري ما سألتك في أبيض ولا أسود”.