مريم ثابت : سعيدة بالتتويج بلقبي القاهرة والجمهورية

حوار : أحمد حنورة

مريم ثابت لاعبة النادي الأهلي لكرة الطائرة في حوار خاص عقب الفوز بلقبي القاهرة والجمهورية .

ما هو شعورك بعد الفوز والتتويج بلقبي القاهرة والجمهورية ؟

مبسوطة جدا اكيد والحمدلله اننا قدرنا نجيب بطولة القاهرة والجمهورية وطبعا الجمهورية كانت بطولة صعبة جدا بالنسبالنا في الاخر عشان اصابة فريدة اثرت فينا كلنا بس قدرنا الحمدلله نجمع نفسنا تاني وخدناها دافع وحافز لينا اكتر اننا نجيب البطولة عشانها والحمدلله قدرنا نعمل ده ونفرحها

ما هي أصعب مباراة في مشوار التتويج باللقب ؟

مباراة دجلة وسبورتنج

كيف رأيت المنافسة في البطولتين هذا الموسم ؟

طبعا منافسة عالية ما بين الفرق كلها بس الحمدلله اننا قدرنا ناخد البطولتين

ما هو المميز فى النادي الأهلي على مستوي الالعاب الاخري “الصالات” عن الاندية المنافسة؟

دايما المنافسة مع النادي الاهلي غير اي نادي تاني عشان علينا حمل كمان ان النادي الاهلي ميعرفش الخسارة واننا لازم نرجع بالكاس وروح الفانلة الحمرا طبعا غير ف الحمدلله اننا قدرنا نفرح جماهير النادي الاهلي

ما هو دور مجلس الادارة مع الفريق خلال الفترة الماضية ؟

كانوا دايما بيشجعونا وواقفين في ضهرنا دائما ف احب اشكرهم اكيد

ما هي الدوافع الجديدة للفريق بعد الفوز باللقب؟

ان شاء الله نجيب بطولات اكتر لنادي الاهلي وجماهيره ونفرحهم

تقولي اي لفريدة ؟

ربنا يقومك بالسلامة ان شاء الله وترجعي تاني تنوري الملعب وانتي قوية وقدها وانا واثقة ومتاكدة انك هتخرجي منها اقوي واحسن وان احنا كلنا معاكي وفي ضهرك يا بطلة ربنا يقومك بالسلامة يارب وهتعدي منها ان شاء الله علي خير و اقوي يا بطلة .