إسراء البواردي
وجهت الإعلامية بسمة وهبة نصيحع للفنان أحمد سعد، بعد إعلان مصممة الأزياء علياء بسيوني طلاقهما اليوم.
وقالت بسمة وهبة خلال تقديمها برنامج “90 دقيقة” المذاع عبر قناة المحور: “فوجئنا النهاردة ببوست نازل من علياء زوجة المطرب أحمد سعد، وهو بوست قاسي جدًا وواضح إن علياء كانت موجوعة جدًا،الست ما تعملش كده إلا إذا حد جاب ولاعة وولع لها في حتة من جسمها أو قلبها”.
وأضافت: “عايزة أنصحك يا أحمد نصيحة أعتبرها نصيحة إعلامية وأخت ، الشهرة والنجومية والفلوس لازم تغير البني آدم وتزغلل عينيه، وأوقات ربنا يديها للبني آدم إختبار أو مكافأة للست إللي معاه وبناتك، أنت طول عمرك من أجمل الأصوات، لكن ماكنتش بنجومية وشهرة النهاردة”.
وتابعت: “نصيحتي لكل راجل عنده واحدة ست وقفت جنبه أوعى لما تعلى تديها كتف ربنا مش هيكرمك، وياما مطربين كانوا فوق في السما ودلوقتي في الأرض علشان إفتروا على زوجاتهم”.
وأكملت: “علياء ساعدتك ووقفت جنبك كتير يا أحمد، خلي بالك وما تجيش على ستات مصر دول محميين بآل البيت، وأتمنى أحمد وعليا يكونوا رجعوا لبعض والشيطان إللي بينهم مشي”.
يذكر أن مصممة الأزياء علياء البسيوني أعلنت انفصالها عن الفنان أحمد سعد وذلك عبر خاصية الإستوري على حسابها بموقع إنستجرام.
