لولا محمود عبد العزيز مكونتيش موجودة لغاية دلوقتي رد دعاء حلمي على بوسي شلبي
أسماء حسني
نشرت الناقدة دعاء حلمي منشوراً لها عبر صفحتها الشخصية على الفيس بوك معلقة على ماتم تداوله على مواقع السوشيال ميديا ومحركات البحث بخصوص حوار الإعلامية بوسي شلبي مع بطلة فيلم الريش دميانة نصر، وهو الفيلم الذي أثار جدل والذي تم عرضه في مهرجان الجونة السينمائي في دورته الخامسة.
وقالت دعاء في منشورها من خلال صفحتها الشخصية على موقع التواصل الإجتماعي الفيس بوك ( بوسي شلبي: أنا بقول إن عمر غير مصير ناس في الفيلم ده لانه فتح باب رزق جديد لعيلة من المنيا ماكانتش تقدر توصل خالص للمكان اللي احنا فيه ده، وأنا بقولك لولا محمود عبد العزيز مكونتيش موجودة لغاية دلوقتي).
لترد في التعليقات على هذا المنشور الخاص بدعاء حلمي المؤلفة سعاد القاضي وتقول (الناس دول وصلوا لاماكن ماتحلمش تروحها ولو حتى على الهامش بفضل فنهم ومجهودهم بعد فضل ربنا سبحانه و تعالى وعمر الزهيري مخرج عبقري انما لما راح لقى الناس دي بالفعل فنانين بجد وبيعملوا فن بجد باضيق الحدود واقل الامكانيات ماجابهمش من الشارع زي مابعض الرعاع المحسوبين ع الفن قالوا).
