إسراء البواردي
كشف المؤلف مدحت العدل تفاصيل إعادة إنتاج أوبريت “القدس هترجع لنا” و”الحلم العربي” في حفل بدار الأوبرا المصرية يقام يوم الأحد 29 أكتوبر، ويعرض على الهواء مباشرة.
وقال مدحت العدل خلال لقاء مع ET بالعربي: “في ناس دايما تسألنا هو أنتوا هتقعدوا تغنوا؟ يا جماعة إحنا شغلانتنا نغني يا إما إللي بيخبز ميخبزش وإللي بيروح للدكتور ميروحش، دي شغلانتنا بس إحنا المرة دي عاملين حفلة مذاعة على كذا محطة على الهواء وهنجمع تبرعات لأهلنا في غزة “.
وتابع: “هنعمل القدس هترجع لنا والحلم العربي وهيبقى في نجوم كبار هيغنوا أغاني عن فلسطين وهيبقى يوم الأحد القادم 29 أكتوبر في دار الأوبرا المصرية، أنا قدمت دعوة من خلال حساباتي والتليفزيون إللي عايز يجي يشارك أهلًا وسهلًا وإللي عايز يجي وتمنعه الظروف هنجيب بديل له”.
وأكمل مدحت العدل موضحًا أنه سيجري بعض التعديلات على الأوبريت وقال:”أعتقد هشيل جزء منه مش هيبقى نفس الطول هو 17 دقيقة هختصر منه، هيبقى فيه شوية تغييرات تلائم روح العصر والإيقاع الموجود وإن شاء الله يكون ليه نفس التأثير”.
وأوضح أنه سيقوم خلال الحفل بإلقاء أبيات شعرية وأيضًا الشاعر جمال بخيت.
وأوبريت “الحلم العربي” تأليف مدحت العدل وألحان صلاح الشرنوبي و حلمي بكر، توزيع حميد الشاعري، وشارك فيه أصالة نصري ونبيل شعيل ووليد توفيق وحميد الشاعري وإيهاب توفيق وديانا حداد وغيرهم من التنجوم، إنتاج 1998.
أما أوبريت “القدس هترجع لنا” شارك فيه عدد كبير من النجوم منهم من رحلوا عن عالمنا مثل هدى سلطان وفاروق الفيشاوي وطلعت زين ودلال عبد العزيز ورياض الهمشري وعلاء عبد الخالق ومحمود ياسين.
