نجلاء بدر توضح لم أرتدي هذا الفستان للفت الأنظار ولا أريد أن أصبح ترينداً

كتبت أسماء حسني

بسبب الجدل الكبير الذي حدث بشأن إطلالة نجلاء بدر في مهرجان الجونة وفستانها المثير، تحدثت نجلاء بدر من  خلال مداخلة هاتفية لها على قناة MBC مصر مع الإعلامي عمرو أديب في برنامج الحكاية، وأوضحت نجلاء أن الفستان على طبيعته ليس كمثل ماهو ظاهر على في الصور.

وقالت نجلاء بدر مؤكدة (بس صدقني والله على الطبيعة مختلف تماماً عن الكاميرا، يعني في ناس النهاردة في إفتتاح فيلم هما قالولي على الطبيعة غير الصور في حاجة الإضاءة زيادة مع رفليكشن إضاءة معرفش).

وتابعت (أنا أبتديت أخاف ياجماعة هو أنا للدرجادي كنت شكلي مش حلو)، ليوضح لها عمرو أديب ويقول (هو مش قضية شكلك مش حلو هو كان تقيل شوية عايزة رأيي بصراحة يعني ناس كتير مقدرتش تبلعه كان صعب).

وتعلق نجلاء على كلامه قائله (ممكن ، بس هو الفن فيه أختلاف يعني أنا هقول لحضرتك حاجه مش شرط كل حاجه بنعملها تعجب كل الناس، الفن فيه أختلاف).

وتابعت نجلاء قائله ( أنا مش هكمل المهرجان حضرتك أنا وصلت لمرحلة أن أنا مروحة خلاص)، وأكدت نجلاء أنها لم ترتدي هذا الفستان لجذب أو لفت الأنظار لها أو لتصبح ترينداً، وقالت (أنا مش بتاعت الكلام دا صدقني، أنا مش فاهمة حملة ولا أيه بالظبط أنتو مين أنا ذات نفسي مش عارفة).

وأستكملت (أنا طبعاً بحترم الجمهور وعلى عيني وراسي لكن أنا صدقني مش نازلة عشان ألفت النظر يعني كنت قطعت الكتف التاني أنا والله أبسط من كدة بكتير).