إسراء البواردي
احتفل الفنان خالد سليم بتخرج ابنته الكبرى نور من المدرسة الثانوية.
ونشر خالد سليم صور وفيديو من حفل تخرج ابنته، عبر حسابه الشخصي بموقع التواصل الاجتماعي Instgram.
وعلق خالد سليم قائلًا: “النهاردة.. كان يوم مميز جدًا ليا.. اختلطت مشاعري بشكل غريب.. بشكل عمره ما حصلي في حياتي كلها.. رغم إني ممكن في ألبوم واحد أغني أكتر من حالة ومشاعري تكون مختلفة مع كل لحن.. أو إني أدخل في فيلم أو مسلسل والشخصية يكون فيها اختلاف في المشاعر في كل مرحلة”.
وأضاف: “النهاردة أنا عيشت 4 ساعات مليانين سعادة وخوف وفخر ودموع ومحبة وشجن.. حفلة تخرج بنتي الكبيرة نور”.
وتابع: “كنت سعيد إنها وصلت للمرحلة دي بكل نجاح.. وكنت خايف عليها طول ما أنا شايفها بتتحرك قدامي.. وفخور بيها وبمحبة الكل ليها وشخصيتها الحلوة”.
واختتم خالد سليم: “دموعي والمحبة والشجن كانوا بسبب الحالة اللي كل الطلبة والمدرسين والعاملين في المدرسة كانوا فيها.. إن الدفعة دي هيمشوا ويسيبوا المدرسة ويبدأوا مرحلة جديدة.. ألف مبروك يا نور على النجاح والتفوق والتخرج.. واعرفي إني دايمًا فخور بيكي.. يا حب عمري”.
