فتيات يروين حكايات فض عقد القران بسبب« قائمة المنقولات والستاير»
فتيات يروين حكايات فض عقد القران بسبب« قائمة المنقولات والستاير»
حكايات كثيرة تحملها الفتيات في جعبتهن، بعضها يسبب آلماً لهن والبعض الاخر لا يريدن تذكرها، لكن إحدى الفتيات طرحت موضوعاً للنقاش وطلبت من البنات ان تروين حكايتهن مع« كتب الكتاب»، على إحدى مجموعات الفيس بوك المتخصصة في« فضفضة البنات».
ونشرت « أروى محمود»،على إحدى جروبات البنات، منشوراً قائلة،« احكولنا مواقف اتعرضتوا ليها في كتب الكتاب»، جاء منشورها مصحوباً بإيموشن ضحك وحكت تجربتها أولاً في مرفق آخر لمنشورها.
وقالت أروى« كنا هنكتب كتابنا قبل الزفاف بشهر، ودا كان اقتراح العريس، وطبعا كان في حاجات لسة مجيبتهاش في الجهاز، هوب قدام المأذون عيلتي وعيلته اتخانقوا على القايمة».
أضافت،« بابا مصمم يعمل قايمة بـ600 ألف وأهل العريس رافضين، وانا وخطيبي اللي مفروض يبقى جوزي بعد دقايق قاعدين مش قادرين ننطق».
تابعت،« وفجأة لقيته واقف ويقولي انتي لو شارياني مش هتخلي أبوكي يعمل كدة، واتخانقنا وعيطت ومشيت وبعد حوالي ساعتين الموضوع اتحل وكتبنا الكتاب».
أسماء:« سابني ومشى بسبب الستاير»
وانهالت عليى الفتاة آلاف التعليقات ما بين الساخرة والمواسية لها، حيث علقت أسماء على قائلة،« عريسي بقة سابني في كتب الكتاب ومشي بسبب الستاير».
كما أضات،« اتخانقنا خناقة كبيرة علشان أمي قالت ليه الستاير عليك، وعيطت يومها وانقهرت والموضوه باظ على حاجة تافة، وقفلت تليفوني وكل وسائل التواصل الاجتماعي ومكنتش قادرة استوعب ايه بيحصل».
تابعت،« يعني أيه يسيبني ويمشي ويفرج الناس عليا بسبب الستاير، ومكنتش قادرة اسامح انه كسر قلبي وفرحتي، وبعد 12 يوم رجعنا تاني وكتبنا الكتاب، ومعايا طفلة عمرها سنتين أسمى وهي كل حياتنا».
سميحة:« اختفى وراح اتجوز عرفي»
بينما روت سميحة محمد، تجربتها مع كتب الكتاب قائلة،« حددنا موعد عقد القران، وفجأة قبلها بيومين مكنش بيرد على تليفوناتي، واختفى تماما ومعرفش راح فين، ولا أهله كمان كانوا عارفين راح فين».
كما استكملت،« دورنا في كل المستشفيات وأقسام الشرطة، وكنا في كابوس مش بينتهي، عدت الأيام تقيلة علينا جداً وبالأخص أنا، خايفة يكون حصله حاجة».
وقالت،« لكن بعد موعد كتب الكتاب بشهر ظهر تاني ورجع بيته، ومفكرش يسأل عليا، عرفت بالصدفة ولما روحنا ليه البيت مكنش لاقي سبب مقنع لغيابه ولا يبرر لينا».
كما اختتمت،« وفوجئنا إحنا واهله ان في واحدة لفت عليه واتجوزته عرفي واقنعته ان الجواز الرسمي مُكلف كتير، وأهله كمان طردوه لنهم مكنوش مستوعبين»
