كتبت ندى السبكى
نشرت الفنانة منة فضالي عدة صور جديدة لها عبر حسابها الشخصي بموقع التواصل الإجتماعي لتبادل الصور والفيديوهات إنستجرام، حيث ظهرت في الصور وهى تقف أمام مرآة.
وكشفت منة مؤخراً عن سبب عدم حضورها لمهرجان الجونة قائلة (مبحبش أكون موجودة في مكان مش مكاني .. عشان أكون متواجدة في مهرجان لازم كون عندي تكريم مثلاً أو هقدم مهرجان أو هقدم حد من زمايلي .. مش حابة أكون رايحة أتصور بس .. مش بسيء لحد .. بس أنا دايماً عندي تحفظ على النقطة دي).
وتابعت منة كلامها قائله (أنا زمان كنت بروح أحضر كل المهرجانات والحفلات.. وكنت بحرص دائماً إني أكون متواجدة .. لكن مع الوقت .. كل ما الواحد بيكبر تفكيره بيتغير .. فمبحبش أكون رايحة أتفرج بس أو أروح في مكان مش حاسة بنفسي فيه”، لتصبح تصريحات منة فضالي محل اهتمام كبير على محركات البحث).
وعلقت أيضاً على وجود الراقصات في مهرجان الجونة قائلة (أنا بشوف ناس غريبة جدا متواجدين في المهرجان، وملهمش دعوة بالفنانين، ومعرفش مين دول أصلا، ومعرفش بيتم دعواتهم بناء على إيه).
وتابعت كلامها قائله (مؤخراً بقيت بشوف راقصات في مهرجان الجونة .. وده جديد بالنسبالنا .. رغم احترامي للرقص جداً .. لكن ده مش واجهة للفن .. والمفروض إن اللي يبقوا موجودين مخرجين ومنتجين وفنانين وممثلين عالميين فقط .. فيه ناس مينفعش تتواجد).
وأختتمت منه فضالي كلامها قائله (أنا معنديش تحفظ على شخص بعينه ولكن الحوار مش لطيف وأنا ضد تواجدهم في مهرجان سينمائي فني).
