إسراء البواردي
كشفت الفنانة إيمان العاصي عن تعرضها للتحرش في طفولتها من رجل كبير في السن.
وخلال لقائها مع برنامج “بلا تصنيف” الذي يعرض عبر قناة LBC، روت إيمان العاصي ما تعرضت له لأول مرة “اتعرضت للتحرش من راجل كبير في السن، كان بيصلح حاجات عندنا في البيت لأن ماما كانت بتجدد المطبخ فكان بيجي باستمرار وهو بالنسبالي مش غريب كنت بثق فيه وكان ساكن قريب مننا فكنت دايما بشوفه لأنه كمان كان بيصلح الحاجات عند الجيران”.
وأضافت إيمان العاصي “النور قطع وماما راحت تشوف النور وهو اتحرش بيا، كان نفسي اللحظات دي تعدي بسرعة وماما تيجي جالي احساس كأن جلدي بيقع ومش قادرة استحمل، اسمه مجدي وعمري ما هنسى اسمه، وجوده ونفسه في البيت وأنا مستخبية في الأوضة سببلي احساس بشع وجسمي وجعني.. عمري ما فهمت اللي اتعرضتله غير دلوقتي.. وقتها قعد على كرسي وشدني ليه وحاول يبوسني حسيت إن في حاجة غلط”.
وعن العقاب الذي يستحقه المتحرش، قالت إيمان العاصي “العقاب المناسب لأي متحرش يتم اغتصابه”.
وخلال اللقاء قالت الفنانة إيمان العاصي إن عقد الزواج يفسد الحب ويخرب العلاقات.
وقالت إيمان العاصي “في ناس بتعيش مع بعض سنين.. بيحبوا بعض ويضحوا عشان بعض ومرتبطين وأول ما يمضوا عقد الجواز كل حاجة بتبوظ.. بشع بيخرب علاقات الحب”.
وأشارت إيمان العاصي إلى أن رغبتها في تكوين أسرة هي التي دفعتها للزواج مبكرا مضيفة ” اتزوجت بدري كنت حابة اعمل عيلة .. وأخلف عيال كتير ، و حملت بسرعة .. الزواج مش سهل أبدا”.
وأضافت في ناس بتعيش مع بعض سنين.. بيحبوا بعض ويضحوا عشان بعض ومرتبطين وأول ما يمضوا عقد الجواز كل حاجة بتبوظ.. بشع بيخرب علاقات الحب”.
جدير بالذكر أن إيمان العاصي شاركت في مسلسل “جعفر العمدة” في رمضان الماضي.
